ابوذيات عراقيه 2011

تذكير بمساهمة فاتح الموضوع :

حبيت اشوفلكمياه وانشاء الله يعجبكم مع تحياتي الكم
نسيت وتيهت روحي وهم بيك
وحسافه العمر خلصته وهم بيك
خويت وضيعت ناسي وهم بيك
اطلعت جذاب وهم تضحك عليه
*************
شكيت وكوه جبت الراس (عراس)
وبدي تاج الوفه لبسته (عراس)
عفته اليوم ثالث يوم(عرس)
وخبر عرسه الشماته انطوه اليه
*************
شهد شمام شربت شكر شفتك
شهد شلزم شعوفن شكض شفتك
شهد شاهد شهدلي بيوم شفتك
سلب روحي وتركني للاذيه
***********
ادك باب اليضربك واشتمنه
واشيل تراب جدمك واشتم منه
كول أمرني حبي واشمنه
حاضر لو ردت روحي هديه
************
اولي وماكلتلك ولي ساعـــــــــة
واحن لنار هجرك والساعـــــــــة
اذا لحظات اشوفك وله ساعـــــــة
احس بيك الزمن واكف بديــــــــة
**************
المسه كتله صباح الخير ....وبراك
اتمازح كال لولا اتوخز ....وبراك
كلت لا والذي صورك .... وبراك
بجبينك صبح ظنيت المسيه
***********
بهيمه ياظعن شوكي وناخوك
ونادوك اعلى كل محنه وناخوك
عضيدك آنه بالشده وناخوك
واصير احزام ظهرك للمنية
***********
يجرحي شكد اشدنك والافلاك
انة ادري بهيمة ومضيع والافلاك
نجوم الليل خل تشهد والافلاك
انة الميت اليمشي اعلة الوطية
*************
الف دنياي كلهة ماتلفني
عنيد وغير شخصك ماتلفني
عمت عين المنايا ماتلفني
الف دنية ومرة تلعب علية
**********
يروحي انتي حياتي وانتي عُمري

وإذا خرب زماني انتي..عَمري

تشع صيتي وكَعت وضاعـ امري

وروحي اليوم وصلت للمنيه
***************
نفضت الثوب لا بين ولا ثار
ولا طلاب اجة اليطلب ولاثار
كَلكَامش نهوا قصتة والاثار
صفت باللوفر أباريس هية
***********
كافي من الهجر بطل ولك عود
الك نغمه بوتر كلبي والك عود
تعال وشوف
هاي سيوف
تبقى جروح
ابد متروح
وكلب ثاني الك يحسب والك عد
واحبك لو تصب تيزاب بيه
************
حبيبي ارجوك تسمعني بهاداي
تراها الروح معلوله بهاداي
الك هالعين ارسلها بهاداي
بس ارجوك كلبي تعوفه اليه
************
بظلم قانون روحي منسنلها
سبوها وصار اكثر منسنلها
افرحت مابان ضحكت منسنلها
لان كل الالم والهم عليه

***********
عجب دنياي تبليني بشرها
وعليه تغيرت هي وبشرها
فرح للناس شو تعلن بشرها
وانا بشراها زفت بس اذيه

تحياتي لكم تحسيـــــــــــــــــــــن الطرفــــــــــــــــــــــــــــــــــي

عثر من فات صحنه الله الله
ونده كلمن يشوفك الله الله
منو الخالق جمالك الله الله
جا ياهو الخلقني وعم عليه

صحت يا ليل وشحصلت بليل...
والله أبجي والدمع ينهمل بليل...
مثل مجنون أهيم عليك بليل...
والله حرام الجان نومي وعليه

فــراگــك مو مسـافـه لا فــراگ گلـوب
لذلك ما دريـت أحترگ و إحنـه گــراب
مســافــة بابكم عن بابي مـدّة راس
شنو لغرفة حضرتك ما وصل عطّــاب؟

الشمس والكَمر كاما لها حياً
واذا لزمت اعظام المــيت حياً
احن الكَـــــرمة مـــــادمت حياً
واذا اموت اعظامي اتصير هيه

حـقّـي أجــادل العــالـم و ألاســن
لأن قــانـــون لا أشـــرّع ولا أســن
إنطــوا جـوز للمـا عنــده ولا ســن
و هريسه إنطوا لأبو سنون القويّه

وحق رمضان وصيامه ولمساك
ابد ما ملن صباحك ولمساك
يسويهة البخت خايب ولمساك
احس الجنة صارت بين ادية

بتالي الليل اكلهم باجر انساك
افز من غبشة الله وأحجي بس بيك
بغيرك فكرت كلت بلكي أنساك
طلع غيرك يشبهك فكرت بيك

اصيرن جفن لحبابي و ظل عين
واظل بالشدة اوكفلك وظل عين
ست اعظام اكسرلك وظلعين
اسويهن جسر وتمر علية..

حلو مكتوب من عندك وفاني
واظل وياك ياغالي وفي اني
ادري بالعمر كاظ وفاني
بس محبتك عمر ويطول بية

سهم حبك نبت يحشاي شرعا
وسفن حبك بخليج الروح شرعا
وردت مذهب يحلل بوس شرعا
واذا ماكو ارد للجاهليه

لا تطلع برمضان وتفطر الناس
وك حن علينه شبيك ما عندك إحساس

كل عام وانتم بخير وأعاده الله عليكم بالخير والبركه والسلامة

~•*•~رمضان كريم~•*•~

دمك نفسه دمي طلع بالتحليل
رغم لاانت اخوي ولاابن عمي
تسأل عالسبب هسه اني اكلك ليش
خلصت العمر بس تشرب بدمي

تمنى اشووف اعيونك حتى لولحضات
وحسبها عليه فقط هل النظرة

يالجرت حواجب جنها جرت موت
مو جرت كحل سبحان هل الجرة
...
تريد اتموت هاي الناس خليها انته شبيك
راويهم اعيونك شبيك بس مرة

وارموشك سنابل عشكت الحاصود
وعلى موسم حصادك كلها منتظرة

أدور عليك ما خليت جوري ما نشدته عليك
أدور عليك.. من أول صبا لليوم رحتلك للشتا وللصيف ورحتلك للصحو وللطيف
أدور عليك بين الياس والريحان
أدور عليك بين المشمش الريان
أدور عليك بين التين والقداح
...ساءلت البريسم والطلع والخوخ والرمان
وحلفّت الهوه والنوم والتفاح وناشدت الغطا النعسان
أدور عليك.. وين أنته؟ آنه من التعب تعبان!مشاهدة المزيد

آنه بعيونك دخت رايد جواب هاي عينك صدك لو هيه رسم
انته حته الدوخه هم داخت عليك وبيك من حلمت هم داخ الحلم

وانه خايف خاف قلمك هم يدوخ يعني تكتب غلط لو داخ القلم

...اكو عدنه هواي سمران الوجوه لجن بس انته سمارك بي طعم

انته نظراتك تشمّر بالسهام وآنه هنيالي لأن طكني سهم

والله لو أصبح رئيس الوزراء أحط صورة وجهك بنص العلم

اليكلك مو حلو رب الغباء واليكلك بيك عيب اكبر غبي

انته ربك نصبك رب الجمال أذن انا اتنصب بحبك نبي

انته سابيني ولذلك راح اجيك بس احلفنك تكثر بالسبي

انته شكلك اجنبي ومو شغل بيت وراح اعبر رأيي لك بالأجنبي

يو فري بيوتفل اند كلش رقيق وانه من شفتك صرت كلش هبي
آنه من شغتك صرت كلش رقيق ومن شفت غيرك صرت رب الحزن

وأبد ماكلك رزن أظلمك حيل لأن كبلك كالو لغيرك رزن

النعرفه من العسل يسحن الروح والعسل لو ضاك شفتك ينسحن

آنه وي غيرك اموتن لا محال ومن أشوفك صدّك انه ارجع عدل

وآنه وي غيرك أعيشن ما أريد وآنه أريدك لأن بس بيك انكتل
قبل صح بخير ونعيش بأمان ولأن ماعرفك كمت اكره قبل

عقلي انته ومال اعوفك مستحيل وانته هم شايف بشر عاف العقل ؟

ابگد حبك النفسك چنت اناني وياك
ومنو ابگدك يحبك محد ابـــگدي
يل بيه ويه روحي الطلعه طلعت موت
شيردكم علي لو صيحــت ردّي

» ومضات جديدة 2011 - ومضات شعرية 2011
» ومضات شعرية 2011 ..
» ابراج يوم الخميس 12/5/2011
» نكات 2011 عراقية -- حشش وانتعش
» ايهاب المالكي :: مشتاكلك والليل وحشه 2011::